Author: Sys-Admin

પોરબંદર શહેરમાં સાંસ્કૃતિક વારસાનું દ્વિદિવસીય પ્રદર્શનનું આયોજન કરવામાં આવ્યું હતું. લુપ્ત થતી સંસ્કૃતિના પ્રદર્શનના માધ્યમથી પુન:જીવંત કરવાના આશયથી કલાક્ષેત્રે અને વિવિધ કાર્યક્રમોમાં મોખરાનું સ્થાન ધરાવતા ક્રીએટીવ ગૃપ તથા મહેર પરિવાર દ્વારા દ્વિદિવસીય સાંસ્કૃતિક વારસાના પ્રદર્શનનું આયોજન ચોપાટીના ગ્રાઉન્ડ ખાતે થયું હતું. મહેર સંસ્કૃતિનું પ્રદર્શન તથા ચિત્રકારોના ચિત્ર પ્રદર્શિત થયા હતા. નથુ ગરચરના રેતચિત્રની પાળીયાપૂજાના રેતશિલ્પ, ગ્રામ્ય વિસ્તારના વિવિધ પ્રકારના વાસણો, કોઠીઓ, પેટારાઓ, ઘરઘંટી, ગાડું, કૂવાપટની પનિહારી, ઘમ્મર વલોણું, પ્રાચીન વાજીંત્રો, ખેતીના ઓઝારો, ઢોલીયાઓ, માચીઓ, ચૂલા-તાવડી સહિતનું રાંધણીયું, વસ્ત્રો-ગોદડીઓ, ગ્રામ્ય વિસ્તારની સંસ્કૃતિ અને કલાકારોના અદભુત ચિત્રો પ્રદર્શનમાં મૂકવામાં આવ્યા હતા. સાંસ્કૃતિક વારસો એ કોઈપણ પ્રજા અથવા રાષ્ટ્રનો ઐતિહાસિક, અમૂલ્ય વારસો છે તે અતીતનો આયનો અને વર્તમાનની ગતિ છે. ભવિષ્યનું સ્વપ્ન દર્શન છે. તે પૂર્વજોના જ્ઞાન અને અનુભવોનો સંચિત નિધી છે. સાંસ્કૃતિક વારસામાં સચવાયેલા મૂલ્યો, આદર્શો, પ્રણાલિકાઓ અને પરંપરાથી અવગત થવાય છે. આ સાંસ્કૃતિક વારસા થકી રાષ્ટ્રપ્રેમ, રાષ્ટ્રભક્તિ અને રાષ્ટ્રીય એકતાની ભાવના વિકસે છે તેવું વક્તાઓએ જણાવ્યું હતું.

સાંસ્કૃતિક કાર્યક્રમો પ્રસ્તુત થયા

જુના લગ્નગીતો, ફટાણા, મણીયારો રાસ, ઢાલ-તલવાર રાસ, અભિનય, સાંસ્કૃતિક વક્તવ્ય વગેરે કાર્યક્રમો પ્રસ્તુત થયા હતા. તેમજ નથુ ગરચરની રેતી ચિત્રની પાળીયાપૂજાના રેતશિલ્પ આકર્ષણનું કેન્દ્ર બન્યા હતા.

Download Dainik Bhaskar App to read Latest Hindi News Today

પોરબંદર-માંગરોળના મધદરિયામાં મધરાત્રે ડૂબી રહેલ દીવની બોટના 8 ખલાસીઓને બચાવવા કોસ્ટગાર્ડે રેસક્યુ હાથ ધર્યું હતું.

પોરબંદર-માંગરોળના મધદરિયે માછીમારી કરી રહેલી દીવની એક બોટમાં પાણી ભરાયું હોવાની જાણ માછીમારી કરી રહેલા ખલાસીઓએ વાયરલેસથી કોસ્ટગાર્ડ વિભાગને કરી હતી. બોટમાં પાણી ભરાયું હોય અને ખલાસીઓનો જીવ જોખમમાં હોવાની જાણ શનિવારે રાત્રે 12:50 કલાકે કરી હતી ત્યારબાદ કોસ્ટગાર્ડના જવાનો સી-445 બોટ લઈ તાત્કાલીક સમુદ્રમાં પહોંચી ગયા હતા. સમુદ્રમાં 3:15 મિનીટે ડૂબી રહેલી બોટના સ્થળે પહોંચી જઈ બોટને ડૂબતી બચાવવા માટેની કામગીરી હાથ ધરાઈ હતી. બોટનું તળીયું લીક થતા બોટમાં પાણી ભરાયું હોય જેથી ખલાસીઓ બોટમાંથી પાણી ઉલેચવા માટે પમ્પ મારફત સતત પ્રયાસો કરતા હતા. છતાં પણ પાણીની આવક બોટમાં ખૂબ જ વધુ થતી હોય જેની સરખામણીમાં પાણી ઉલેચવામાં પણ મુશ્કેલી પડતી હતી.

આ સમયે કોસ્ટગાર્ડના જવાનો આવી પહોંચ્યા હતા અને તેઓએ અન્ય 2 પમ્પ મૂકી ડૂબતી બોટને બચાવવા માટે બોટમાંથી પાણી કાઢવાની કામગીરી હાથ ધરી હતી. 85 મિનીટ સુધી કોસ્ટગાર્ડના જવાનોએ જહેમત ઉઠાવી પરંતુ બોટની એક સાઈડમાંથી પાણી બોટમાં ઘૂસી ગયું હતું અને બોટે મધરાત્રે સમુદ્ર વચ્ચે જળસમાધી લીધી હતી. આ દરમિયાન બોટમાં રહેલ તમામ 8 ખલાસીઓએ સમુદ્રમાં ઝંપલાવ્યું હતું અને કોસ્ટગાર્ડના જવાનોએ સમુદ્રમાં કૂદેલ માછીમારોને રસ્સી અને બોયા ફેંકી બચાવી લીધા હતા અને વહેલી સવારે પોરબંદરની જેટી ખાતે તમામ ખલાસીઓને સહીસલામત લઈ આવવામાં આવ્યા હતા.

પોરબંદર | દરિયામાં બોટ ડુબી ગઇ પરંતુ કોસ્ટગાર્ડે તમામ ખલાસીઓને રેસ્કયુ કરી સહીસલામત બચાવી લીધા. તસ્વીર – ભાસ્કર

‘પ્રભુસાગર’ નામની બોટે લીધી જળસમાધી

પાણીમાં કૂદી પડેલ ખલાસીને તરતા પણ આવડતું ન હોય વધુ મુશ્કેલી

બોટે જળસમાધી લીધી આ સમયે 8 ખલાસીઓ સમુદ્રમાં કૂદી ગયા હતા, જેમાંથી એક ખલાસીને તરતા ન આવડતું હોવાને લીધે તેનો જીવ તાળવે ચોંટી ગયો હતો. પરંતુ કોસ્ટગાર્ડના જવાનોએ પણ જહેમત ઉઠાવી આ ખલાસીનો જીવ બચાવી લીધો હતો.

પોરબંદર | દીવ ખાતે રહેતા લખમણભાઈ સોલંકીની માલિકીની ‘પ્રભુસાગર’ નામની બોટ નં. DD 02 MM 881 તા. 11 ના સવારે ફિશીંગ માટે સમુદ્રમાં નિકળી હતી. આ બોટે માંગરોળ નજીક સમુદ્ર વચ્ચે જળસમાધી લીધી હતી. 40 લાખની બોટ સહિત બોટમાં રહેલ જાળ, બોયા, માછલીનો જથ્થો વગેરે દરિયામાં ગરક થઈ ગયા હતા.

કોસ્ટગાર્ડના 2 પમ્પ અને ખલાસીઓના ડોક્યુમેન્ટ પણ દરિયામાં ડૂબી ગયા

બોટ હાલકડોલક થતી હોય અને દરિયો પણ ખરાબ હતો તેમજ રાત્રીનો અંધકારપટ હોવાથી બોટ ડૂબી ગઈ હતી જેમાં કોસ્ટગાર્ડના 2 પમ્પ તથા ખલાસીઓના ડોક્યુમેન્ટ જેવા કે આધારકાર્ડ, બોટના પાસ સહિતના દસ્તાવેજો ડૂબી ગયા હતા.

Download Dainik Bhaskar App to read Latest Hindi News Today

કેશાેદના ગેલાણા ગામે ભગવાન શ્રી રામ મંદિરનું નવનિર્માણ થતાં ત્રિદિવસીય પ્રાણ પ્રતિષ્ઠા મહાેત્સવ ઉજવવામાં આવ્યાે હતાે. સમસ્ત ગ્રામજનાેના સહયાેગથી તા 12 એપ્રિલ થી લઇ તા 14 એપ્રિલ સુધી ભગવાન શ્રી રામની મુર્તિમાં પ્રાણ પુરવા પ્રખર વિદ્વાન બ્રાહ્મણાે દ્વારા શાસ્ત્રાેક્ત વિધીઓ કરવામાં આવી હતી અને છેલ્લા દિવસે મુર્તિ પ્રાણ પ્રતિષ્ઠા પામ્યા બાદ મહાપ્રસાદનું આયાેજન કરવામાં આવ્યું હતું. એવું કહેવાય છે કે નવનિર્માણ પામેલા રામ મંદિરની વર્ષાેથી સેવા પુજા કરતા સંત શિરાેમણી ગંગારામ બાપુ જયારે ગામની 900 વિઘા ગાૈચર જમીનમાં 125 ગાયાેને ચરીને આવતી ત્યારે રાેટલી ખવરાવતા પછી જ ગાૈધન ખીલે બાંધવા રાજી થતું હતું. સન 1977 માં ગંગારામ બાપુ ગાૈલાેકધામ સિધાવ્યા. હાલ ગામમાં તેમનું સમાધી સ્થાન છે તેમની નજીક એક માેટું પીપળાનું ઝાડ છે જેની બાજુમાં એક સફેદ પીપળાે દર વર્ષે આપાેઆપ ઉગે છે અને કરમાય છે. જે લાેકાેમાં નવી શ્રધ્ધા ઉભી કરી રહ્યાે છે.

Download Dainik Bhaskar App to read Latest Hindi News Today