Author: Sys-Admin

વરાત્રિના નવ દિવસની તૈયારી દરેક પરિવાર ઘણા પ્રેમ સાથે કરે છે અને શક્તિઓનું આહ્વાન પણ કરે છે. દરેક પ્રાંતમાં તેની અલગ અલગ રીતે ઉજવણી કરાય છે પણ ભાવના બધી જગ્યાએ એક જેવી જ થાય છે. આજના સમયમાં જો આપણે જોઈએ તો તેની પ્રાસંગિકતા વધારે છે. ભારતમાં જ વિશ્વમાં ચારેકોર સમાજમાં ફક્ત ભ્રષ્ટાચાર, અત્યાચાર, મહિલાઓ સાથે શોષણ, પરિવારોનું તૂટવું જાણે નકારાત્મકતા પોતાની ચરમસીમાએ છે. જ્યારે પણ આસુરી શક્તિઓ હાવી થશે તો તેના પર વિજય પ્રાપ્ત કરવા માટે શક્તિશાળી સકારાત્મક તત્વોની જરૂર પડશે. તો સવાલ એ છે કે આપણે સમાજની જે હાલત જોઇ રહ્યાં છીએ એ સ્થિતિમાં સકારાત્મક શક્તિઓનું આહ્વાન કેવી રીતે કરીએ? માની લો કે તમે એક ચિત્રકાર છો, તમારે ક્રોધ ઉપર વિજય પ્રાપ્ત કરવો છે તો તેને તસવીર તરીકે કેવી રીતે તૈયાર કરશો? પહેલાં તો ક્રોધનું એક પ્રતીક બનાવવું પડશે અને બીજી તરફ એક પવિત્ર શક્તિનું ચિત્ર બનાવીશું જે ક્રોધ પર વિજય પ્રાપ્ત કરે છે. આપણે યુદ્ધ બતાવીશું, તલવાર, ગદા, ત્રિશૂળ બતાવીશું. આ એ હથિયાર છે જેની મદદથી દૈવીશક્તિઓએ અાસુરી શક્તિઓ પર વિજય પ્રાપ્ત કર્યો. આજે ન તો આ દૈવીશક્તિઓ છે ન તો અાસુરી અને ન તો એવા દિવ્ય હથિયાર. આજે આપણે પોતાની અંદર જ દિવ્ય શક્તિઓને જાગૃત કરી અસુરોનો ખાત્મો કરવાનો છે. દૈવી સંસ્કાર એટલે કે આપણા આત્મામાં નિશ્ચલ પ્રેમ, શાંતિ, ખુશીના ભાવ અને અસુર એટલે કે કામ, ક્રોધ, લોભના ખરાબ ભાવ. બંને જ મારી અંદર છે. તો અંદરના અસુરોનો વિનાશ આપણે ખુદ જ કરવો પડશે. આપણે આજે પણ ફક્ત દેવીનું ચિત્ર અને એ પ્રતીકોને જોઈ રહ્યાં છીએ તેનો સાચો અર્થ સમજવા જ નથી માગતા. આપણી અંદરના જે અસુરોને મારવાના હતા તે તો ભૂલી જ ગયા પણ આ તહેવાર આપણને યાદ અપાવવા માટે જ આવે છે કે આપણને આપણી અંદર શું કરવું છે. હું કહું છું કે ક્રોધ ખરાબ છે તો મને ભાઈ-બહેનો પૂછે છે કે દેવી-દેવતા પણ ગુસ્સો તો કરતાં હતાં, તે પણ યુદ્ધ કરતાં હતાં, તો આપણે તેમનો મહિમા કેમ ગાઈએ. દેવતા યુદ્ધમાં હત્યા કરતા હતા, આજે કોઇ હત્યા કરે તો શું તેને દૈવી કહી શકાય? પણ એ જાણવું જરૂરી છે કે દેવી-દેવતાઓએ હિંસા નથી કરી. અંદરની બદીને મારી છે. અનેકવાર બદી ફરી જીવિત થઈ ગઈ એવી જ રીતે જેવી રીતે ફરીવાર અસુર જીવતા થઈ જતા હતા. યુદ્ધ એક દિવસમાં પતી ના શકે. એટલા માટે જરૂરી છે કે જ્ઞાનનાં એક-એક હથિયારનો ઉપયોગ કરો. પ્રેમ વહેંચો અને જે કર્યું છે તેની જવાબદારી લો. જે ઠીક ન લાગે તેની અવગણના કરો જેથી દૈવી સંસ્કાર જાગૃત થાય.

ન

મન કી આવાજ

બી.કે.શિવાની,બ્રહ્માકુમારીઝ

Download Dainik Bhaskar App to read Latest Hindi News Today

કો તેમનાં ઘરોને અપસાઈકલિંગ કરી રહ્યા છે,’અપમાર્કેટ’ના ઘરોથી એક અલગ દિશામાં જઈ રહ્યા છે. લંડન સ્કૂલ ઓફ મેનેજમેન્ટમાંથી ડિગ્રી પૂરી કર્યા બાદ યુવાનોને ચા વેચવી કેરિયર લાગે છે. પોતાના પેરેન્ટ્સના બનાવેલા કેરિયરના નિયમો તોડી રહ્યા છે.જયારે સ્ટાર્ટઅપ્સ શહેરી માર્કેટની તુલનામાં ગ્રામ્ય બજારોમાં પણ પ્રવેશ કરી રહ્યા છે.કેટલાક ઉલ્લેખનીય ઉદાહરણ અહીં પ્રસ્તુત છે.

કેરિયરના નિયમો તોડવા: લંડનના કિંગ્સ કોલેજથી બિઝનેસ મેનેજમેન્ટની ડિગ્રી લીધા બાદ 24 વર્ષીય વિદુર માહેશ્વરીએ ચેન્નાઇના માર્કેટમાં જ્યાં કોફીનો પ્રભાવ હતો ત્યાં ચા વેચી કૉફીના માર્કેટને તોડવાનું વિચાર્યું.એવું એટલા માટે હતું કે તેના પિતા ને એણે દિવસની પંદર ચા પિતા જોયા હતા અને તેને ધ્યાન હતું કે ચા પીનારા સારી દુકાનની શોધમાં હોય છે. વધતી ઉંમર સાથે તેને સમજાઇ ગયું કે ચેન્નાઇમાં સારી ક્વોલિટીની કોફી તો મળે છે પણ એજ ક્વોલોટીની ચા શોધવાની વાત આવે તો એ ભૂલ સાબિત થશે. બસ આજ વાતથી તેને નવો બિઝનેસ કરવાની સંભાવના દેખાઈ અને તે કોઈ નીચે નોકરી કરવા કરતા સારું હતું. તેણે 2018માં ‘ચાય વાલે’ સ્ટાર્ટઅપ શરુ કર્યું અને મેનુમાં ઘણી લલચામણી ચા હતી. વિદુરના આજે 5 આઉટલેટ છે અને જ્યાં દર અઠવાડિયે 1000 ગ્રાહક આવે છે.

મેડિકલ સ્ટાર્ટઅપ્સ : પાછલા વર્ષે પ્રકાશિત થયેલ નેશનલ હેલ્થ પ્રોફાઈલ અનુસાર ભારતમાં 11,000 પ્રતિ એક ડોક્ટર છે.બિહાર અને ઉત્તર પ્રદેશ જેવા રાજ્યોમાં સ્થિતિ વધુ ભયાનક છે. વિશ્વ સ્વાસ્થ્ય સંગઠન માને છે કે દુનિયાના દરેક વ્યક્તિ ભલે એ ગમે તેટલો ગરીબ હોય તેને જરૂરી સ્વાસ્થ્ય સેવા પ્રાપ્ત કરવાનો અધિકાર છે .એટલેજ 2019ની આ સંગઠનની થીમ’ બધા માટે સ્વાસ્થ્ય’ છે.આ થીમથી ઘણા સમય પૂર્વે અજય ખંડેરિયા (ગુરુગ્રામથી સંચાલિત ‘ગ્રામીણ હેલ્થકેર’ કંપનીના સ્થાપક) જેવા લોકો 2016 થીજ હરિયાણાના ગ્રામીણ વિસ્તારોમા તેમના કિયોસ્ક સ્થાપિત કરી ચૂક્યા છે. આ વિસ્તારોમાં ગ્રામ્યજનોને હંમેશા પ્રાથમિક ચિકિત્સા સેવાની જરૂર પડે છે.અજયના આ સેન્ટર્સમાં નર્સ અને ડોકટર્સ હાજર રહે છે. પણ તેઓ જમીન ઉપર નહિ સ્ક્રીન ઉપર નજર આવે છે અને ટેલિમેડિસિનની મદદથી ઉપચાર કરે છે.દરેક દર્દીનું હેલ્થકાર્ડ બનાવાયું છે અને તેમની હિસ્ટ્રીને કમ્પ્યુટરમાં ફીડ કરાય છે. ત્રણ વર્ષ સેવા કર્યા બાદ હવે સેન્ટર્સની સંખ્યા વધીને 120 થઇ છે.જેમાં રાજસ્થાન,યુપી,પશ્ચિમ બંગાળ, બિહાર અને મધ્યપ્રદેશનો સમાવેશ થાય છે.

કચરા વગરના ‘અપસાઇકલિંગ’ ઘર- તમે તમારા ઘરને કેટલું લીલુંછમ બનાવી શકો છો? એક આત્મનિર્ભર માછલીઘરથી લઈને ઉછળતી-કૂદતી ચકલીઓ અને મરઘીઓ સુધી , હરેશ ચુગાની ચૂગાની અને એન્ડ્રિયા જેકબનું ઘર પ્રેરણા સ્વરૂપ છે. તેમના ઘરમાં કંઈપણ બેકાર નથી જતું.તેમના ખાધા બાદ વધેલા ખોરાકને દીવાલની ઉપર મૂકી દેવામાં આવે છે જે ખાવા માટે આવતા મહેમાનોમાં ગોકળગાય,બિલાડી અને કાગડાઓનો સમાવેશ થાય છે. ખાસ વાત એમ છે કે આ બધાજ જાનવરો તેમના વારા ઉપર આવવાનું જબરું અનુશાસન છે.તેમના ચાર કુતરાઓ હંમેશા બધી બાજુ ફર્યા કરે છે.તેમનું ઘર જાનવરો અને માણસોની કોઓપરેટિવ સોસાયટી છે. હરેશ અને એન્ડ્રિયા ઈચ્છે છે કે તેમનું ઘર અપસાઇકલિંગ ઘર હોય.

ફંડા એ છે કે થોડું હટકર વિચારીને કરશોતો ઘણા લોકોના મનમાં વસી જશો અને તમારા અસ્તિત્વને સન્માન મળશે.

લો

મેનેજમેન્ટ ફંડા

Download Dainik Bhaskar App to read Latest Hindi News Today

વિરમગામ | આ પંથકમાં લોકોને બળીયાદેવ માં અતુટ શ્રદ્ધા હોવાથી નાની-મોટી બાધાઓ રાખવામાં આવે છે જે ફળીભૂત થતા ચૈત્ર નવરાત્રિ માં એક જ દિવસે પોતાની માનતાઓ પૂર્ણ કરે છે. વિરમગામ ઓગણ ગામે 12 એપ્રિલને શુક્રવારે ચૈત્ર સુદ સાતમે નિમિત્તે 100 વર્ષથી ચાલતી ફૂલો ના ગરબા ની પરંપરા જોવા મળી ઓગણ ગામે 150થી વધારે ફૂલો ના ગરબા લઈને દરેક સમાજના લોકો ગામની બહાર આવેલ બળિયાદેવના મંદિરે જઈને વિધિવત પૂજા કરીને તેમની માનતા પૂરી કરવામાં આવે છે.

Download Dainik Bhaskar App to read Latest Hindi News Today

લીમખેડાના ચીલાકોટા ગામે ગુરુવારે રાત્રે 8:30 કલાકે એક કાચા મકાનની માટીની દિવાલ અચાનક ધરાશાયી થઈ હતી. જેમાં દિવાલ પાસે ખાટલો ઢાળી નિંદર માણી રહેલા પરિવારની મહિલા તથા તેના બે બાળકો તેમજ મહિલાની ભત્રીજી દિવાલ નીચે દબાઈ ગયા હતા. ઇજાગ્રસ્ત મહિલા સારવાર દરમિયાન મોતને ભેટી હતી.

ગરબાડા તાલુકાના નેલસુર ગામની વિધવા મહિલા બદુડીબેન કનુભાઈ પરમાર તેના બાળકો પાંચ વર્ષનો રોહિત તથા દોઢ વર્ષનો રાજુ સાથે પિતા મગનભાઈ અમલીયારના ઘરે આવી હતી. ત્યારે દુર્ઘટના બની હતી અને તેમાં બદુડીબેન, રોહિત પરમાર અને અસ્મિતાનું મોત થયું હતું. જ્યારે રાજુને ઇજા પહોંચી હતી.

ચીલાકોટામાં કાચા મકાનની દીવાલ ધરાશાયી થતાં બે બાળકો તથા એક મહિલા સહિત ત્રણના મોત નિપજતા પરિવારજનોમાં કરુણાંતિકા સર્જાઇ હતી . તસવીર યોગેશ શાહ

Download Dainik Bhaskar App to read Latest Hindi News Today